我參加了武聯主辦一年一度的全港公開太極錦標賽, 原以為孤單出賽, 卻遇到不少朋友. 
大約下午接近四時到達九龍公園體育館, 應該還可以看到Blog 友 Fanny的比賽, 因未見過她, 於是運用偵探頭腦, 看看那位陳式參賽者是姓吳的, 我找到了419號, 421和423號都是姓吳的, 我就為她們拍照.
419號打得好靚
好可惜我錯過了423號的比賽, 當我正在到處找423號的時候, 有個美女迎面走來叫我, 她並非別人, 就是Fanny! 我看一看她的號碼布, 正是419號, 哈哈…
之後又遇到Blog友終極winne, 亦是她先看到我, 於是我提議3個美女來張大合照. 在Blog上相識相遇, 真的太奇妙了!
之後又遇到Blog友終極winne, 亦是她先看到我, 於是我提議3個美女來張大合照. 在Blog上相識相遇, 真的太奇妙了!
不過還可以拍到李暉師傅的學生拿到大奬的相片
出賽前練習了兩次, 不知是否緊張, 當天下午腳指有少少抽筋, 但比賽的時候沒有發作, 但成績不太好, 比起我兩年前第一次比賽7.45分還要差, 真令我有點沮喪!
我身旁的黃衣女子, 打得好, 得分7.61, 一時間把我比了下去.
但我覺得今年分數好像收緊了, 我看到有些打得相當不錯的, 也是得7.48分, 大多數都是7分至7.3分, 偶爾才有幾個7.5分以上.
等待成績公佈的時候, 幾次走到成績公佈板都未見貼出來, 卻看到終極winnie和貞師姐在上什麼傳統武術進修班
公報成績的一刻, 又要投訴一下大會的安排,
把成績貼在報告板腰部以下的位置, 百多人同一時間去看成績, 又要趕著去所屬的等區排隊領奬, 擠得我連成績都看錯了!
如此低的分數, 拿三等奬也不出奇, 心中在想, 真的退步了嗎? 交號碼布的時候, 工作人員找不到我的號碼, 後來發現我得到的是二等奬,
便走到二等奬區, 那時剛巧又遇到Fanny師傅, 替她比賽功夫扇的學生拿奬, 真是一位好師傅呀!她就站在我的旁邊拍大合照
今次比賽看似沒有進步, 但其實我進步了, 今次比賽我沒有手震呀!
現在我有兩面奬牌了,
我就是愛參加傳統項目, 如果參加競賽項目, 我肯定空手而回呀! 
回到家以是晚上11時, 真的很累了! 明早7時又要上太極班, 決定要遲到半小時呀!
需高攀不上，但衷心祝賀珍姐取得成績。
回覆刪除真很想參與但自己体力不好，為有在這分享！！
[版主回覆10/25/2011 14:05:41]THX!
恭喜珍師姐！
回覆刪除[版主回覆10/25/2011 15:49:49]謝謝! 傳統項目, 能完成套路都有奬的!
恭喜! 什么奬不是问题, 最重要是能够参与,尽力,从比赛中发挥所学的 ,提升自己,理解自己长短, 掌握进度所在就是....比赛越来越多, 再接再厉啊!!
回覆刪除[版主回覆10/25/2011 18:23:18]說得對! 謝謝鼓勵!
珍妹: 妳的影相技術好叻呀! 我成日都覺得自己唔上鏡嫁 ,現在化身成靚女,仲影到我咁型添.....呵呵...^^ 多謝妳 ! 好可惜在妳比賽的時段我去了食飯,實在太累又肚餓,要出去鬆一鬆 ,回來後見C 埸已經比賽完了 , 錯過睇妳比賽, 唔好意思 ! =.=
回覆刪除[版主回覆10/26/2011 11:19:13]哎! 唔睇好過睇啦!
如果妳想要回相片, 可用私人回應給我e-mail address, 我可把相片壓縮後寄回給妳!
珍妹: 見妳幾張拳姿相片都不錯 ! 如果弓馬步時開大少少,個勢就容易顯眼D,但就不要膝過尖,看看妳後面穿黃衣的參賽者, 佢嘅勢是有的,如長期膝過尖會對膝蓋加重負荷 .
回覆刪除[版主回覆10/26/2011 11:44:13]我都覺得係! 開大d對腳要用力d, 而且我打呢套係傳統85式前一段, 蔡師傅多次叫我唔駛咁大步, 又話我太大步弓唔到腿(其實我唔知佢講乜?). 同埋每步都唔好停(丁步), 要直行, 我睇番綠影, 其實d步法都幾似蔡師傅, 冇24式, 88式咁型, 陳思坦就好大步, 弓馬步又好低, 腳力唔夠真係起唔到身! 多謝Fanny師傅提點! 如果打24式, 在我膝關節許可下, 練大步d!
珍妹: 我估蔡師傅說妳"弓唔到腿"的意思,好可能見到妳在做弓步時腿力不夠,將大部份嘅重心偏向後,虛實不清,就叫唔駛咁大步囉 ! 所以咪叫妳不要開大步 。( 我估下架咋 ) 在弓步時最好力點不要放在膝蓋處,應放在腳板底和膝蓋對上的位置,叫做"四頭肌" ,因如肌肉累了,可以揼下按下d肌肉就會鬆番,又如將力點全放在膝蓋上就會傷,傷左就無心機無興趣玩架啦 ! 最緊要就係在耍拳前一定要拉鬆d筋先,做下基本功,行下貓步練腿力 !
回覆刪除[版主回覆10/28/2011 14:33:26]蔡師傅話我弓唔到腿時, 我正在考試, 我已做出弓步動作, 他猛叫我弓腿, 但我已經弓咗, 所以沒有動, 當時27號師姐扮師傅都唔知點執我, 蔡師傅就話我太大步, 弓無可弓, 所以我唔明囉!
我來探您啦！您比賽不再孤單，有我們支持您呀！
回覆刪除現場未能看到您的比賽，看圖片都打得中規中矩啦！
手不震已很難得，有些動作如未做到位，下次做返好
就能提升自己，挑戰自己了！加油呀！：-))
[Winnie回覆10/30/2011 22:28:10]很高與您能找到自己的方向, 但要做好本份, 一点都不簡單呀!! 大家互勵互勉吧!!!
[版主回覆10/30/2011 11:35:51]雖已刪除, 但我看到了! 哈哈......因我有風濕病問題, 我的理想比您簡單! 我若能做師傅, 亦是做康文署的師傅, 教教公公婆婆做運動. 我不知道我還能玩幾多年, 今天還能玩就好好珍惜, 亦很開心!
[Winnie回覆10/29/2011 19:52:38]明白了!!您的疑惑是太極的松沉勁呀!! 將來再体會就會明白!! 之前回應太坦白呀, 我已刪除了!! 多謝您的分享!!
[版主回覆10/28/2011 14:52:50]我看到您坐在C場旁邊的地上, 以為您會看到我比賽! 可以給我一些評話!
珍妹 : 相片已收到了 , 謝謝妳啊 !
回覆刪除[版主回覆10/31/2011 11:09:02]不用客氣!
419師姐下盤很穩很抵，好正！
回覆刪除[版主回覆11/20/2011 12:03:52]說得對呀! Fanny師傅打得真好! 還謝謝您的祝賀!
[Ms A回覆11/20/2011 01:38:53]Doris 師姐‧對自己滿意，就是進步！恭喜恭喜^^